പാലക്കാട് : തദ്ദേശ തെരഞ്ഞെടുപ്പിൽ മത്സരിക്കുന്ന അഞ്ച് വിമത സ്ഥാനാർത്ഥികളെ കോൺഗ്രസിൽ നിന്ന് പുറത്താക്കി. പാലക്കാട് നഗരസഭാംഗം മൻസൂർ മണലാഞ്ചേരി ഉൾപ്പെടെ അഞ്ച് പേരെയാണ് പുറത്താക്കിയത്. സ്ഥാനാർത്ഥി നിർണയത്തിൽ പ്രതിഷേധിച്ച് മൻസൂറിന്റെ നേതൃത്വത്തിൽ പാലക്കാട് നഗരസഭയിൽ 38, 48 എന്നീ രണ്ടു വാർഡുകളിലാണ് കോൺഗ്രസിന്റെ വിമത സ്ഥാനാർത്ഥികൾ മത്സരിക്കുന്നത്. താങ്ങും തണലും എന്ന സംഘടനയുടെ പേരിലാണ് വിമതർ മത്സരിക്കുന്നത്.
തദ്ദേശ തെരഞ്ഞെടുപ്പിൽ മത്സരിക്കുന്ന ഒമ്പത് വിമത സ്ഥാനാർത്ഥികളെ നേരത്തെ പാലക്കാട് ഡിസിസി പുറത്താക്കിയിരുന്നു. പാലക്കാട് മുൻ ഡിസിസി അംഗം കിദർ മുഹമ്മദ് ഉൾപ്പെടെ 9 പേരെയാണ് പുറത്താക്കിയത്. എലപ്പുള്ളി പഞ്ചായത്തിലെ രണ്ട് സിറ്റിംഗ് മെമ്പർമാരെയും പുറത്താക്കിയിരുന്നു.
Content Highlight : Rebels out; Congress expels rebel candidates from Palakkad